Оюутан байхдаа дадлага хамгаалсан компанидаа үргэлжлүүлж ажилд орсноос хойш дуудлагын төвийн салбарт тасралтгүй 11 орчим жил ажиллажээ.
Өдгөө 5600 гишүүнтэй Номин Холдинг гэдэг гэр бүлд нэгдээд 4 жил гаран болсон байна.
Бидний өдөр тутмын амьдралын нэг хэсэг болчихсон болохоор хэрэглэгчид манай компанийг зөвхөн худалдааны салбарт үйл ажиллагаа явуулдаг гэж ойлгох нь түгээмэл.
Гэтэл Номин Супермаркетууд нь манай компанийн Борлуулалт Үйлчилгээ, Санхүү, Импорт Экспорт Дистрибьюшн, Технологи, Үйлдвэрлэл Инженерингийн бизнесийн 5 чиглэлд үйл ажиллагаа явуулдаг 26 салбар компанийн зөвхөн нэг чиглэл нь.
Манай хэрэглэгчтэй харилцах төвийн 1800-2888 дугаарт Монголын өнцөг булан бүрт байрладаг салбаруудтай холбоотойгоор сард цуглардаг зөвхөн дуудлага гэхэд 20,000-25,000 байдаг.
Дуудлагуудын дийлэнхийг хямдрал урамшуулал, цагийн хуваарь, хаяг байршил гэх зэрэгтэй холбоотой лавлагаа эзэлдэг бол тодорхой цөөн хувь санал гомдол байна.
Дуудлагын шугамаас гадна сошиал сувгууд, имэйл, цаасан өргөдөл, аппликэйшн, салбар дэлгүүрүүдэд байршсан хэрэглэгчийн дэлгэц болон дотоод ажилтнуудаас гээд бүхий л сувгаар авахаар хичээдэг.
Зарим асуудлууд нь шийдвэрлэх дамжлагаас болон удааширч буйг олж илрүүлсэн бөгөөд хэрэглэгчтэй харилцах төв 2020 оноос ажлуудыг дотроо шийдвэрлэж дуусмагцаа хэрэглэгчдэд хариу өгдөг болсон.
Хүний хэрэглээ цөм бүрэн, хямд үнийн баталгаа гэдэгтэй адил нэг ч хэрэглэгчийн асуудлыг орхигдуулахгүй байх нь манай төвийн гол зорилго.
Датанд үндэслэсэн шийдвэр гаргахад удирдлагаа үнэн зөв мэдээллээр хангах, асуудлыг дахин давтахгүй байх оновчтой шийдэл тайлагнах миний ажлын бас нэгэн үүрэг.
Дуудлагын төв буюу утсаар ажлаа явуулдаг ажилтнуудад дараах ур чадварууд хэрэгтэй:
1. Хэрэглэгчтэй царайгаа харалцахгүйгээр, зайнаас ойлголцох хэрэгтэй байдаг учраас хэрэглэгчийг ярьж дуустал сонсож ойлгох чадвар.
2. Тодорхой тайлбарлан ойлгуулахад үгсийн сонголт, тод гаргацтай хэлэх хэрэгтэй
3. Эргэж холбогдоно гэж амласан бол асуудал нь шийдэгдээгүй байсан ч явцын талаар мэдээлэл өгч, амласан цагтаа эргэн холбогдох.
4. Асуудлын учир шалтгаан тодорхой болоогүй байхад хэт нэг талыг барьж оновчгүй, буруу зөрүү мэдээллээр аль нэг талыг үл ойлголцол үүсгэж, буруу мэдээлж болохгүй.
5. Үйлчилгээний байгууллагад ажилтан ажлаа сайн мэдэхгүйгээс асуудал үүдэх эрсдэлтэй учраас байгууллагаас өгсөн уншиж танилцах материалуудыг бүрэн эзэмших нь ажлыг хялбарчилдаг.
Манай байгууллагын хувьд олон ажилтантай учраас нэгдсэн стандартыг хэвшүүлж, чанартай үйлчилгээ үзүүлэхийн тулд сургалтын хэлтсээс тогтмол зохион байгуулдаг сургалтууддаа өндөр ач холбогдол өгдөг.
Сургалт гэдэг бидний ажлын салшгүй нэг хэсэг гэж хэлж болно.
Миний ажилдаа баримталдаг зарчмуудаас дурдвал:
1. Манай ажилтнууд оюуны ачаалалтай нөхцөлд ажилладаг учраас баг дотроо ажилтнуудаа халамжлахыг би ажлын чухал хэсэг гэж үздэг.
2. Цөөн чадварлаг багийн бүрдүүлэлт, шинэлэг технологийн тусламжтайгаар ажлын бүтээмж сайжирна.
3. Би аливаа асуудалд гарах гарц заавал байдаг гэдэг өөдрөг үзэлтэй. Мухардалд орсон үедээ орчноо ажиглах, мэддэг хүнээс нь тусламж асуух, уншиж судлах гээд ямар нэгэн алхам заавал хийдэг.
4. Байгууллагууд өдөр тутмын ажилдаа маш олон төлбөртэй програм хангамж, үйлчилгээнүүдийг ашигладаг. Нэгэнт ашиглаж байгаа програм, үйлчилгээний хэргийг тултал гаргах ёстой гэж бодож, ашиглаж байгаа системүүдийнхээ үйлдэл, боломж бүрийг ухаж танилцдаг.
CallPro, MessagePro систем бол үйлчилгээндээ анхаардаг байгууллага бүрийн чухал хэрэгсэл.
Саяхан системүүдийн тайлангийн хэсэг шинэчлэгдээд ажлын үр дүнгээ хэдхэн товшилтоор гаргаж ирдэг болсон нь үнэхээр супер.
Эдгээр шинэчлэл дунд миний санал болгосон саналуудыг оруулж хөгжүүлж өгсөн нь надад их кайфтай санагддаг.
