Skip links

ХЭРЭГЛЭГЧИД ЯМАР ТӨРЛИЙН АВТОМАТ ХАРИУЛАГЧИД ДУРГҮЙ БАЙДАГ ВЭ?

Байгууллагын суурин утасны автомат хариулагч хэдийгээр цаг хэмнэж, бүтээмж нэмэгдүүлж, зардал бууруулахаар зогсохгүй бүх цагаар мэдээлэл өгдөг, хүртээмжтэй гэх мэт олон давуу талууд байдаг. Гэвч зарим тохиолдолд хэрэглэгчдийг залхааж сөрөг үр дүн авчрах хандлагатай байдаг.

Тиймээс автомат хариулагчийн бүтэц бэлдэхэд юунд анхаарах вэ?

 

#1 Ээдрээтэй эсвэл тодорхойгүй сонголтууд
Зарим үед автомат хариулагчийн сонголтыг хэдэн ч удаа сонссон ямар товчийг сонгох нь тодорхойгүй байдаг. Хэрэглэгчдэд хоногшоогүй танил бус үг хэллэг, товчилсон нэршил ашиглах, бичгийн яриаг найруулгагүйгээр аудио болгож оруулахаас татгалзаарай. Мөн сонголт хийгээгүй тохиолдолд мэдээллийн ажилтантай холбогдох сонголтыг нэмэх нь тохиромжтой.

#2 Аудио тод бус байх
Автомат хариулагчийн хоолойн үг үсэг тодорхой, ямар нэгэн шуумгүй, ойлгомжтой хэмнэлтэй байх хэрэгтэй. Хэрэв тийм биш бол хэрэглэгч мэдээлэл буруу сонсож болзошгүй. Дансны дугаар, зээлийн эргэн төлөлт, утасны дугаар, хаяг байршил гэх зэрэг мэдээллийг үнэн зөвөөр хүргэх нь чухал.

#3 Хэт олон сонголт
Хэрэв танай байгууллагын автомат хариулагч 1-ийг дарна уу, 2-ыг дарна уу, ….. 12-ыг дарна уу гэхчлэн хэт сунжирсан байвал хэрэглэгч өөрт тохирсон сонголт хийхийн өмнө яах гэж залгаснаа мартаж болзошгүй. Шаардлагатай тохиолдолд сонголтуудыг багцлан эмхэлж дараагийн цэсээс салаалах хэлбэрээр тохируулж болно. 

#4 Хэрэглэгчийг Автомат Хариулагч дотор түгжих буюу “төөрүүлэх”
Хэрэглэгчдэд танай байгууллагын автомат хариулагч дотор бүтэн өдрийг өнгөрүүлэх цаг зав байхгүй. Ихэнх тохиолдолд хэрэглэгч хамгийн тулгамдсан, яаралтай үед утсаар холбогдохыг илүүд үздэг учраас тэднийг бүү залхаагаарай. Мөн хэт их мэдээлэл автомат хариулагчаар өгөхөөс татгалзана уу. Автомат хариулагчийн төгсгөлд мэдээллийн ажилтантай холбогдох, мессежээр мэдээлэл авах, дахин сонсох, эргэж холбогдох гэх мэт сонголтуудыг оруулаарай.

 

Та CallPro компанийн худалдааны төлөөлөгчдөөс автомат хариулагчийн бүтэц бэлдэх талаар зөвлөмж авах бол энд дарна уу.