Харилцагчийн зан төлөв, хүлээлт өдөр ирэх тусам өөрчлөгдсөөр байна. Хэрэглэгчид олон сувгаар зэрэг харилцдаг тул хаана ч, хэзээ ч ижил чанартай, тасралтгүй харилцах нь бизнесийн амжилтын үндэс болдог. Тиймээс омничаннел системийг ашиглах нь байгууллагын өрсөлдөх чадварыг тодорхойлох гол хүчин зүйл болоод байна.
Омничаннел систем нь байгууллага өөрийн дуудлага, мессеж, фэйсбүүк, инстаграм, вэб, чатбот, WhatsApp, Viber зэрэг бүх харилцааны сувгуудыг нэг платформ дээр нэгтгэж чадах цогц шийдэл юм. Омничаннел системийн тухай таны мэдэх хэрэгтэй 5 гол зүйлийг танилцуулъя.
1. Хэрэглэгчийн түүхийн бүртгэл
Хэрэглэгч хэд хэдэн сувгаар холбогдсон ч өмнөх харилцааны мэдээлэл хадгалагдах болохоор дахин дахин тайлбарлах шаардлагагүй болно гэсэн үг. Өөрөөр хэлбэл, хэрэглэгчийн түүх системд автоматаар бүртгэгдэж, оператор өмнөх бүх харилцааг нэг дэлгэц дээрээс харна.
Жишээлбэл, өмнөх худалдан авалт, холбогдсон сувгууд, санал хүсэлт, гомдлын түүх, тухайн хэрэглэгчийн зан төлөв, сегмент зэрэг олон төрлийн мэдээллийг харах боломжтой. Түүнчлэн хэрэглэгчийн “дахиад л асууж байна” гэх мэдрэмж арилж, үйлчилгээний чанар эрс сайжирдаг.
2. Ажилтны бүтээмжийн өсөлт
Дуудлагын операторууд, харилцагчийн үйлчилгээний ажилтнууд гэх мэт хэрэглэгчтэй шууд харилцдаг ажилтнууд олон систем хооронд шилжиж, цаг алдаж, алдаа гаргах эрсдэл өндөр байдаг. Харин омничаннел системийг хэрэглэснээр эдгээр сул талыг багасгаж, дараах давуу талуудыг бий болгож өгдөг.
- Бүх сувгийн харилцаа нэг дэлгэц дээр төвлөрнө
- Шуурхай хариулах боломж нэмэгдэнэ
- Төөрөгдөл, удаашрал арилна
- Ажлын урсгал илүү ойлгомжтой, жигд болно
Үр дүнд нь ажилтны бүтээмж өсөж, хэрэглэгчийн туршлага илүү эерэг болдог. Мөн хэрэглэгч, ажилтан хоёрын ойлголцлын зөрүү багасаж, сэтгэл ханамж, үнэнч байдал, давтан худалдан авалт нэмэгддэг.
3. Нэгтгэсэн дата
Омничаннел систем нь харилцааны бүх өгөгдлийг нэгтгэн төвлөрүүлж, бизнесийн шийдвэр гаргалтад хэрэгтэй дүн шинжилгээ хийх боломжийг олгодог.
- Харилцагчийн зан төлөвийг илүү сайн ойлгох
- Сувгийн сонголт
- Түгээмэл асуудлын чиг хандлага
- Худалдан авалтын зан төлөв
- Үйл ажиллагааны үр ашгийг хэмжих
- Дуудлага, мессеж, сошиал сувгийн ачаалал
- Дундаж хариу өгөх хугацаа
- SLA үзүүлэлтүүд
- Стратегийн шийдвэр гаргалтыг дэмжих
- Түгээмэл асуудлыг урьдчилан тодорхойлох
- Ачааллын таамаг гаргах
- Борлуулалтын эх үүсвэр тодорхойлох
- Хэрэглэгчийн туршлага сайжруулах шийдлүүд боловсруулах
4. Ухаалаг автоматжуулалт
Омничаннел систем нь зөвхөн мэдээлэл дамжуулах бус AI-ын тусламжтай харилцааг ангилж, чиглүүлж өгдөг. Жишээ нь:
- Асуудлыг ангилан харуулах
- Хэрэглэгчийн сегмент тодорхойлох
- Зөв оператор руу чиглүүлэх
- Эхний түвшний асуудлыг автоматаар шийдэх
Үр дүнд нь үйлчилгээ илүү хурдтай болж, ажилтнууд илүү чухал ажилдаа төвлөрч чадна.
5. Бусад системүүдтэй уялдах интеграци
Омничаннел систем дараах системүүдтэй интеграци хийх боломжтой.
- CRM — хэрэглэгчийн мэдээллийн нэгдсэн сан
- ERP — захиалга, санхүүгийн мэдээллийн уялдаа
- API интеграци — сувгуудын хооронд шууд мэдээлэл дамжуулах
- Төлбөрийн систем — онлайн худалдааны үйл явцтай холбогдох
Үүний үр дүнд хэрэглэгчийн мэдээлэл илүү бодит, үнэн зөв, нэгтгэлтэй болж, бизнесийн шийдвэр гаргалт түргэн, оновчтой болдог.
Энэхүү системийг нэвтрүүлснээр байгууллага үйлчилгээний чанараа сайжруулж, ажилтнуудынхаа бүтээмжийг нэмэгдүүлж, дата төвтэй өсөлтөд хөтлөгдөнө.
Яг одоо манай зөвлөхтэй энд дарж цаг товлон дэлгэрэнгүй мэдээлэл, зөвлөгөө аваарай.
