Бизнесийн орчинд харилцагчийн нэг дуудлага энгийн нэг яриа биш. Энэ бол байгууллагын нэр хүнд, борлуулалтын боломж, хэрэглэгчийн сэтгэл ханамжийн огтлолцол дээр өрнөдөг хамгийн үнэ цэнтэй мөчүүдийн нэг юм. Гэвч олон байгууллага энэ мөчийг өнгөрсний дараа юу болсон, юуг алдав, юуг сайжруулж болох байсныг бүрэн орхидог.
Ийм нөхцөлд дуудлагын бичлэгийг хадгалж, анализ хийх боломжтой байх нь үйлчилгээний чанараа сайжруулах гол хөшүүрэг болдог. Дуудлагын бичлэг хийж хадгалан, эргэж сонсох нь ямар үнэ цэн, ач холбогдол авчирдгийг авч үзье.
- Хэрэглэгчийн “жинхэнэ” дуу хоолойг ойлгох
Дуудлагын бичлэгийг эргэн сонсоход хэрэглэгчийн жинхэнэ дуу хоолой ил гардаг. Судалгаа, асуулгаас ялгаатай нь энд хэрэглэгч шүүлтүүргүй, бодитоороо ярьдаг. Яг юунд бухимдсан, аль үйлчилгээнд сэтгэл хангалуун байсан, ямар асуулт байнга давтагдаж байгааг байгууллага зөвхөн таамгаар биш, бодитоор баримттай олж харна. Энэ нь хэрэглэгчийн туршлагыг сайжруулах эх сурвалж болдог.
- Операторын гүйцэтгэлийг бодитоор үнэлэх
Операторуудын ажлын гүйцэтгэлийг үнэлэх, сайжруулахад ярианы бичлэг чухал ач холбогдолтой. Хэн нь хэрэглэгчтэй зөв харилцаж байна, хэн нь боломжит борлуулалтыг алдаж байна, аль хэсэг дээр яриа тасалдаж байна гэдгийг бодит жишээн дээр тулгуурлан мэдэж болно. Ингэснээр бодит кейс дээр суурилсан зөв сургалт, зөвлөгөөг өгөх юм. Олон улсад дуудлагын төвүүдийн 70% нь операторуудын гүйцэтгэлийг үнэлэхдээ дуудлагыг эргэж сонсдог.
- Борлуулалтыг өсгөх
Борлуулалтын хувьд ч ялгаагүй. Эргэж сонсох дадалтай байгууллагуудын борлуулалтын үр дүн 15%-иар өндөр байдаг. Учир нь амжилттай тохиролцсон яриануудад анализ хийснээр ямар үг хэллэг, ямар хандлага хэрэглэгчид илүү нөлөөлж байгааг тодорхойлж, түүнийг стандарт болгон нэвтрүүлэх боломж бүрдэнэ. Харин татгалзсан тохиолдлууд нь бүтээгдэхүүн, үйлчилгээний сул талыг мэдэхэд тусална.
- Эрсдэлээс хамгаалах
Дуудлагын бичлэг нь эрсдэлээс хамгаалах нэг төрлийн “даатгал” болж өгдөг. Маргаан үүссэн үед бодит нотолгоо болж, байгууллагыг хууль эрх зүйн болон нэр хүндийн эрсдэлээс хамгаалах боломжтой.
Дээрх боломжууд нь дуудлагын төвийг зүгээр нэг үйлчилгээний нэгжээс дата дээр суурилсан шийдвэр гаргалтад нөлөөлөх хэрэглэгчийн төв болгон хувиргаж байна.
Ийм хэрэгцээ хамгийн тод илэрдэг салбарууд бол банк, санхүү, даатгал, онлайн худалдаа, хүргэлт, эрүүл мэнд, үл хөдлөх зэрэг хэрэглэгч төвтэй байгууллагууд юм.
Операторын дуудлагын бичлэг хийж анализ хийх нь “хянах” тухай ойлголтоос илүү хэрэглэгчээ ойлгох, багийнхаа гүйцэтгэлийг өсгөх, бизнесийн шийдвэрээ илүү оновчтой болгох үндсэн хэрэгсэл болоод байна. Сонсож чаддаг байгууллага л хэрэглэгчээ хадгалж, өсөлтөө баталгаажуулж чаддаг. Харин байгууллагын энэ сонсох чадварыг бий болгож буй үйлчилгээ бол CallPro Voice.
CallPro Voice үйлчилгээ байгууллагын орох, гарах бүх дуудлагыг нэг дороос удирдах, хянах, дуудлагын ачааллыг оновчтой зохицуулахад тань тусална. Түүнчлэн 5 секундээс илүү ярьсан дуудлага бүрийн бичлэг автоматаар хадгалагдаж үлдэх ба хаанаас ч хэзээ ч давтан сонсох боломжтой.
Яаж дуудлагын бичлэгээ сонсох вэ?
CallPro Voice үйлчилгээний Түүх цэс рүү орж дуудлагаа он сар өдөр, дугаар, ажилтан, төлөв, ярьсан хугацаа зэрэг шүүлтүүрээр хайж, хугацааны ард байрлах тэмдэг дээр дарж сонсоорой.
Мөн CallPro AI буюу хиймэл оюунт дуудлагын туслахаар ярианы бичлэгээ текст болгож хөрвүүлэх, агуулгыг нь хураангуйлах, төрлөөр нь ангилах боломжтой. Энэ нь олон цагийн бичлэгийг хураангуйлж, чухал мэдээллээ шүүж харах боломжийг олгох болно.
Манай шилдэг мэргэжилтнүүдээс байгууллагынхаа онцлогт тохирсон зөвлөгөөг үнэ төлбөргүй авах бол энд дарж холбоо барих мэдээллээ үлдээгээрэй. CallPro Voice болон хиймэл оюунт дуудлагын туслахын үйлчилгээний дэлгэрэнгүй мэдээллийг 7272-7070 дугаараас аваарай.
