Дуудлагын төв зөвхөн дуудлага хүлээн авдаг газар байхаа больсон. Орчин үед хэрэглэгчид утсаар ярихаас гадна сошиал платформууд нэмэгдэхийн хэрээр и-мэйл илгээх, чат, мессеж бичих, сэтгэгдэл үлдээх гэх мэт зан төлөв бий болоод байна. Тэр ч байтугай бүх сувгийг нэгэн зэрэг ашиглах ч үе байна. Гэхдээ зорилго нь угтаа нэг. Тиймээс эдгээр сувгууд хоорондын уялдааг үүсгээгүй тохиолдолд хэрэглэгч өөрийгөө сонсогдоогүй, үл тоомсорлогдсон мэт мэдрэмж авч, сэтгэл ханамж нь буурах эрсдэлтэй. Ийм учраас орчин үеийн дуудлагын төвүүд дараах шинэ шийдлүүдийг нэвтрүүлж, хурдтай өөрчлөгдөн хөгжиж байна. Хэрэглэгчийн харилцааны ирээдүйг тодорхойлох гол чиг хандлага энд л бий.
1. Хиймэл оюунд суурилсан дэмжлэг болон автоматжуулалт
- Хэрэглэгчээс ирдэг нийтлэг асуултад хариулах чатбот, виртуал туслах ашиглах
- Хэрэглэгчийн сэтгэл хөдлөлийг бодит цагийн горимоор шинжлэх
- Дуудлагын үеэр операторуудад хиймэл оюунаар гаргасан санал, шийдэл, зөвлөмж өгөх
- Яриаг текст болгон хөрвүүлж, илүү гүнзгий анализ хийх боломж бүрдүүлэх
Америкийн бизнес судалгааны Garther-аас 2026 он гэхэд дуудлагын төвийн 80% нь хиймэл оюуны тусламжтай автоматажсан байх болно хэмээн таамаглажээ.
2. Омничаннел буюу байгууллагынхаа олон сувгийг нэгтгэх систем
- Утас, и-мэйл, мессеж, нийгмийн сүлжээ зэрэг бүх сувгаа нэг цонхноос удирдах
- Хэрэглэгчийн бүх харилцааны түүхийг нэг дороос харах
- Харилцааны аль ч үед хэрэглэгчдэд жигд, саадгүй туршлагыг бий болгох
Harvard Business Review-ийн судалгаагаар Omnichannel буюу олон сувгийг нэгтгэсэн стратеги хэрэгжүүлдэг байгууллагын хэрэглэгчийн үнэнч байдал 91%-иар өндөр байдаг.
3. Үүлэн технологид суурилсан, зайнаас ажиллах боломжтой дэд бүтэц
Үүлэн платформ нь байгууллагыг дэд бүтэц, техник хангамжаас илүүтэй сургалт болон үйлчилгээний чанарт төвлөрөх боломжийг олгодог. Гол давуу тал нь:
- Интернэт холболттой хаанаас ч системд шууд нэвтрэх
- Операторуудыг оффисоос үл хамааран удирдах
- Өндөр өртөгтэй дотоод сервер, техник хэрэгсэл худалдан авах шаардлагагүй
4. Хэрэглэгчдэд өөртөө үйлчлэх боломж бий болгох
- Хэрэглэгч өөрөө захиалгын мэдээллээ шалгах, нууц үг сэргээх, бүтээгдэхүүний мэдээлэл зэргийг авах боломжтой байх
- Операторууд илүү нарийн, төвөгтэй хүсэлтэд төвлөрч, улмаар ажлын бүтээмж нь дээшлэх боломжтой
Таны бизнест зориулсан шууд хэрэгжүүлэх боломжтой практик зөвлөгөө
1. Сувгуудын уялдааг хангах
Хэрэглэгч нэг асуудлаа дахин дахин тайлбарлах шаардлагагүй байхаар бүх харилцааны сувгуудыг нэгтгээрэй. Аль ч суваг руу чөлөөтэй шилжих боломжтойгоор хэрэглэгчийнхээ бүх харилцааны түүхийг нь бүртгээрэй.
2. Бодит цагийн өгөгдлийг ашиглан шийдвэр гаргах
Операторын хариу өгөх хугацаа, асуудал шийдвэрлэлтийн хувь, хэрэглэгчийн сэтгэл ханамж зэрэг чухал үзүүлэлтүүдээ хяна. Үзүүлэлтүүдийг шууд харуулдаг, нарийн тайлан санал болгодог систем сонгоорой.
3. Хиймэл оюуныг шат дараалалтай, стратегитайгаар нэвтрүүлэх
Эхний ээлжид энгийн чатбот ашигла, дараа нь ухаалаг дуудлага дамжуулах үйлчилгээ ашигла, эцэст нь хиймэл оюунаар зөвлөгөө өгөх систем рүү шилжээрэй. Энэхүү шаталсан арга барил нь үйл ажиллагаанд доголдол үүсгэхгүйгээр AI-ийг хялбар нэвтрүүлж чадна.
Онлайн худалдааны салбар дахь бодит жишээ
Асуудал: Нэгэн онлайн дэлгүүр өдөрт дунджаар 50 гаруй дуудлага, 300 гаруй мессеж, сошиал сувгуудаараа 100 давсан чат хүлээн авдаг байна. Эдгээр сувгуудаа тус тусад нь өөр платформ дээр удирддаг учраас хэрэглэгчдэд давхардсан хариулт өгөх эсвэл хариулт өгөхгүй удах зэргээс хэрэглэгчийн сэтгэл ханамж буурах болж.
Шийдэл: Omnichannel системд шилжих. Ингэснээр:
- Байгууллагын бүх харилцааны сувгаа нэг платформд нэгтгэн, удирдах
- Мэдээллийн ажилтан эсвэл оператор нь хэрэглэгчийн бүх харилцааны түүхийг харах
- Нэг стандартын дагуу үйлчилгээ үзүүлэх
Үр дүн:
- Хэрэглэгчийн сэтгэл ханамж 18%-иар өссөн
- Хүлээгдэж буй хариултын тоо 35%-иар буурсан
- Дундаж хариу өгөх хугацаа 2 дахин богиноссон
Үүлэн технологид суурилан хиймэл оюун ухаанаар хүчирхэгжүүлсэн CallPro Platform нь дээр дурдсан бүх сувгийн харилцаа нэгтгэн, дүн шинжилгээ хийж зөвхөн танай байгууллага, үйл ажиллагаанд зориулсан тайлан мэдээллийг ухаалгаар боловсруулна.
Үндсэн боломжууд:
- Утас, и-мэйл, чат болон сошиал сувгуудыг нэг дор нэгтгэх
- Харилцагчийн түүхийн бүртгэл, бичлэг, тэмдэглэл
- Real-time тайлан, операторын гүйцэтгэлийн хяналт
- CRM болон ERP системүүдтэй интеграци хийх
- Гар утас, суурин, зөөврийн аль ч төхөөрөмж дээр ажиллах
- Түгээмэл асуултад хариулах, дуудлага дамжуулах болон бусад автоматжуулалтад зориулсан виртуал оператор
CallPro Platform нь байгууллагын хэрэглэгчтэй харилцах бүх харилцааг удирдахаас гадна хэрэглэгчийн санал хүсэлт, асуудал болон бусад өгөгдөлд дүн шинжилгээ хийх, оновчлох, автоматжуулах гэх мэт бизнесийн шийдвэр гаргалтдаа ашиглах олон чухал мэдээллийг боловсруулж өгнө.
Таны хэрэглэгчид өөрийн онцлогт тохирсон, хурдан шуурхай, 24/7 үйлчилгээг хүсэж байна. Харин танай байгууллага энэ шинэ үеийн шаардлагыг ухаалаг системийн тусламжтайгаар бүрэн шийдвэрлэх боломжтой.
Яг одоо манай шийдлийн зөвлөхтэй цаг товлон дэлгэрэнгүй мэдээлэл, зөвлөгөө аваарай.
